Vasteloaves Trööte in Broukzittert

Op zondig 13 fibberwarie vanaaf 14.11 oere geit ein nuu aktiviteit plaatsj venje in os eigese dörp.

De fanfaar wilt Uch luu gaer ei Vastelaoves konzert aanbeije, onger den tittel “VASTELOAVES TRÖÖTE,” 2011.

Deze middig sjteit in ‘t teike van meziek gemaak door os fanfaar St.Ceacelia en de drumbend en versjieje artiste oet de omtrek.

De bontje middig is door leede van Ceacilia op touw gezat, en wurt Uch gratis aangebao!! Geer maag geare verkleit en al nao ‘t gemeinsjapshoes komme en gouw zin en sjpas en lol zeen es ‘t waore verplich!!!!!!!!
Onger der leiding van Antoon Sikkes zal de fanfaar zich gans euvergeave aan vasteloaves klanke, en auch ‘t sjlaagwirkersj gedeilte zal op karnavalistische wies optrea.

Eine trompetis, dea de kneepkes van ‘t vak bie Ceacilia heit geleert, en versjeije Broukzittesje zengersj zulle acte de presence geave.

Natuurlik ontbrik de mit vasteloavent onmisbaare buutneredner zeeker neit, en saame zangk mit ‘t pebliek zal veur eine ongekende sfeer gaon zörge!!

Wie gezag get nuuts in ‘t dörp, waat es alles nao wunsj verloupe deit mesjiens ei vervolg geit kriege…?????
Veer neudige Uch allemaole belaef oet om op zondig middig 13 fibberwarie om 14.11 oere nao ‘t gemeinsjapshoes te komme, wie gezag d’r is geine entree, waal motte veer os haute aan bepaolde veiligheids zaakes, dus vol is vol, de zaal is om hauf twee aope!!!!!!

‘T pergram zal pes ongeveer 17.11 0er gaon doere, mer nao aafloup kent geer auch noch ei paar urkes hosse sjprenge en in de polonais op de toone van prechtige vasteloaves meziek, dus….. eine opwermer veur de richtige vasteloavent, noe al oppe kalender sjrieve en allemaol komme,

p.s. Vertel ‘t Door!!!!!!!